Spurningar og svör

Varhugi kennir öryggisvitund: það sem hver starfsmaður þarf að vita til að valda ekki öryggisbresti óvart. Viðfangsefnin eru meðal annars veiðipóstur, sterk lykilorð, tveggja þátta auðkenning, gervigreind á vinnustað, persónuvernd og blekkingar (social engineering). Varhugi kennir ekki tæknilegt netöryggi, varnir gegn netárásum eða stjórnun öryggisatvika. Þetta er vitundarþjálfun fyrir starfsfólkið, ekki tæknilegt öryggistól.

Fimm mínútur, eitt námskeið á mánuði. Stutt lestrarefni og fimm spurninga próf í lokin. Hugmyndin er að þetta passi inn í alvöru vinnudag, ekki að þetta verði heilsdagsnámskeið sem enginn nær að klára.

Núna eru 43 námskeið í námskránni og þú getur séð þau öll á /namskra. Hverju fyrirtæki er sjálfkrafa úthlutað einu námskeiði á mánuði, í sömu röð og námskráin sýnir. Sérfræðinganámskeiðin eru undanskilin sjálfvirkri úthlutun; stjórnandi úthlutar þeim sérstaklega til þeirra sem eiga að fá þau. Við bætum við námskeiðum reglulega.

Ekki ennþá. Þetta er á vegakortinu fyrir Pro Plus, en í dag er námskráin föst. Þú getur þó stillt skilafrest á hvert námskeið og merkt þau sem skyldu eða valfrjáls fyrir þitt fyrirtæki á /stjornbord/verkefni.

Varhugi-stigin mæla stöðu öryggisvitundar fyrirtækisins á 0 til 100 skala. Þau eru vegið meðaltal þriggja þátta: 50% lokunarhlutfall úthlutaðra námskeiða, 30% meðaltalseinkunn í prófum og 20% nýleiki þjálfunar. Eldri þjálfun lækkar stigið. Þetta er innri mælikvarði til að fylgjast með þróun yfir tíma, ekki til að bera fyrirtækið þitt saman við önnur.

Nei. Varhugi sér um þjálfunarþátt NIS2: vitundarþjálfun starfsfólks og skjalfestar mætingar. NIS2 nær líka yfir áhættustjórnun, viðbragðsáætlanir, fjölþátta auðkenningu, birgjakeðjuáhættu, stjórnaraðkomu og fleira sem Varhugi gerir ekki. Þú þarft fleiri verkfæri og ferla til að uppfylla NIS2 að fullu. Varhugi tekur einn af mörgum flokkum og gerir hann einfaldan og skjalfestan.

Skýrsla á PDF-sniði með heildartölfræði, fjölda lokinna námskeiða, töflu fyrir hvern starfsmann með stöðu á hverju námskeiði, dagsetningum prófa, einkunnum og krækjum á skírteinin. Þetta eru gögnin sem endurskoðandi eða eftirlitsaðili þarf að sjá. Þú getur sótt mánaðarlegar skýrslur eða valið sérstakt tímabil.

Já. Á /stjornbord/verkefni geturðu breytt skilafresti á hvert námskeið og merkt þau sem skyldu eða valfrjáls. Sjálfvirku áminningarnar (sjö dögum fyrir skilafrestinn, þremur dögum fyrir, á skilafrestinum, og þremur dögum eftir) nota dagsetningarnar sem þú stillir.

Postgres gagnagrunnurinn er hjá Neon í Frankfurt (ESB). Skírteinin, á PDF-sniði, eru í Vercel Blob, einnig innan ESB. Tölvupóstur er sendur í gegnum Resend. Öll gögn eru innan ESB, sem skiptir máli fyrir GDPR og eftirfylgni með NIS2.

Þrjár leiðir: innskráningarhlekkur í tölvupósti (magic link, sjálfgefið), Google SSO og Microsoft SSO, og allar þrjár eru innifaldar í öllum áskriftum, líka þeirri ókeypis. Engin lykilorð eru geymd. SSO veiturnar sjá um sína eigin tveggja þátta auðkenningu. Lotur eru meðhöndlaðar í gegnum Auth.js v5, og vafrakökur eru HttpOnly og Secure þegar tengingin er HTTPS.

Sendu póst á info@varhugi.is og við eyðum gögnunum innan þrjátíu daga, eins og GDPR krefst. Þú getur líka fjarlægt starfsmann úr fyrirtækjareikningnum á /stjornbord/starfsmenn sem afturkallar aðganginn. Fullkomin eyðing krefst þess að senda póst því skírteinin geymast sem skjalfest sönnun um lokuð námskeið.

Já. Vinnslusamningur Varhuga er hluti af skilmálunum og gildir sjálfkrafa fyrir öll fyrirtæki, í öllum áskriftarleiðum. Hann er aðgengilegur á /vinnslusamningur. Viðskiptavinir í Pro eða enterprise geta auk þess fengið undirritað eintak með því að hafa samband á /hafa-samband.

Já. Mánaðarlegri áskrift lýkur við lok yfirstandandi mánaðar (þú heldur aðgangi út tímabilið sem þú greiddir fyrir). Ársáskrift heldur áfram til loka ársins sem þú greiddir fyrir. Engir tímabundnir samningar, engir uppsagnarfrestir og engin endurgreiðsla á því sem þegar er greitt.

Já. Verðin á /verd eru án VSK. 24% íslenskur virðisaukaskattur bætist við þegar greitt er. Þú færð reikning sem hægt er að nýta í endurgreiðslu VSK.

Já, sautján prósent afsláttur miðað við mánaðarlega greiðslu, sem samsvarar tveimur mánuðum frítt. Lite ársáskrift er 99.000 kr. á ári, Business er 179.000 kr. á ári og Pro er 9.900 kr. á sæti á ári. Veldu ársgreiðslu á /verd. Greiðslan fer fram einu sinni og endurnýjast sjálfkrafa eftir tólf mánuði.

Um tíu mínútur. Stofnaðu fyrirtækjareikning og sláðu inn netföng starfsfólks eða hladdu upp CSV-skrá. Þá er námskránni úthlutað sjálfkrafa, einu námskeiði á mánuði, og áminningar fara af stað sjálfar. Allt fer fram á vefnum.

Þetta er algengt: starfsfólkið fær póst frá nýju léni og getur haldið að þetta sé veiðipóstur. Á /stjornbord/tilkynningar eru tilbúnar tilkynningar sem þú getur afritað og sett í Slack, Teams eða innri póst áður en boðin fara út, svo fólkið viti að pósturinn er raunverulegur og frá ykkur.

Já, eins marga stjórnendur eða deildarstjóra og þú vilt á hvert fyrirtæki. Í Pro áskriftinni getur deildarstjóri verið bundinn við sína eigin deild og séð aðeins sitt teymi, á meðan stjórnandi sér allt fyrirtækið. Deildastjórnun er á /stjornbord/deildir.