Hvernig áhættumatið virkar

Tvær reglur sem gilda alltaf

1. Hver niðurstaða er skýranleg. Starfsmaður er aldrei merktur með aukna eða mikla áhættu án lista yfir nákvæmar ástæður sem stjórnandi getur lesið og brugðist við.
2. Stigin hækka aðeins með merkjum. Fleiri námskeið komin fram yfir skilafrest, fleiri fallin próf eða lengri þögn geta einungis hækkað stigin. Ekkert falið lækkar þau.

Merkin sex og stigin

Stigin eru lögð saman úr sex merkjum sem Varhugi skráir hvort sem er við þjálfunina. Hámark er 100 stig.

Skyldunámskeið komin fram yfir skilafrest10 stig fyrir hvert, mest 30

Að auki 10 stig ef eitthvert þeirra er meira en 14 daga fram yfir og önnur 10 ef meira en 60 daga. Námskeið sem starfsmaður er undanþeginn vegna leyfis telst lokið.

Endurtekið fall á sama skyldunámskeiði15 stig við 2 föll, 25 við 4 eða fleiri

Aðeins það námskeið sem oftast hefur verið fallið á telur, og aðeins ef því hefur ekki verið lokið síðar.

Elsta staðfesting að úreldast10 stig eftir 335 daga, 20 eftir 395 daga

Miðað er við elsta skyldunámskeiðið sem starfsmaður hefur lokið. Ellefu mánuðir eru fyrirvari, þrettán mánuðir eru komnir fram yfir árlega endurstaðfestingu.

Engin virkni10 stig eftir 30 daga, 15 eftir 90 daga, 20 ef aldrei byrjað

Telur aðeins ef starfsmaður hefur verið í vinnusvæðinu í að minnsta kosti 30 daga og á skyldunámskeið óútkljáð. Nýtt starfsfólk fær þann tíma í frið.

Upprifjun komin fram yfir skilafrest15 stig

Opin upprifjun sem ekki hefur verið lokið á réttum tíma er eftirfylgni við þekkt atvik sem féll niður.

Upprifjanir síðasta árið10 stig fyrir hverja, mest 20

Upprifjanir sem stjórnandi hefur sent síðustu 365 daga, hvort sem þeim er lokið eða ekki. Sjálfvirkar árlegar upprifjanir teljast ekki með, þær eru rútína en ekki atvik. Þetta er atvikasagan sjálf: sá sem hefur tvisvar þurft upprifjun er önnur áhætta en sá sem aldrei hefur þurft hana.

Flokkarnir þrír

Lítil áhætta

0 til 14 stig

Ekkert eða aðeins eitt vægt merki. Ekki sýnt sérstaklega í starfsmannalista.

Aukin áhætta

15 til 39 stig

Eitt skýrt merki eða nokkur væg saman. Birtist í starfsmannalista og í yfirliti stjórnborðs.

Mikil áhætta

40 stig og yfir

Fleiri en eitt merki eða eitt alvarlegt. Efst á lista þeirra sem þurfa eftirfylgni.

Hverjir eru metnir

• Aðeins virkt starfsfólk: það sem hefur gengið í vinnusvæðið og er ekki merkt í leyfi. Fyrir aðra birtist „ekki metið“ frekar en villandi „lítil áhætta“.
• Hvaða námskeið teljast skylda fyrir hvern og einn er leyst nákvæmlega eins og í yfirlitum yfir skilafresti og í endurskoðunarskýrslunni, svo vísirinn getur aldrei sagt annað en þau.
• Deildarstjóri sér aðeins eigin deild. Stjórnandi sér allt fyrirtækið.

Dæmi

Þrír tilbúnir starfsmenn, reiknaðir eftir reglunum hér að ofan.

Hvað vísirinn er ekki

Hann er ekki einkunn á manneskjuna og ekki mælikvarði á hæfni. Hann er ekki sýndur starfsmanninum sjálfum, aðeins stjórnendum og deildarstjórum. Hann kveikir ekki á neinu sjálfvirku í dag; hann bendir stjórnanda á hvar þjálfun þarf eftirfylgni og stjórnandinn tekur ákvörðunina.

Persónuvernd

Vísirinn er reiknaður úr þjálfunargögnum sem Varhugi vinnur hvort sem er samkvæmt vinnslusamningi: skilafrestum, niðurstöðum prófa, tíma síðustu virkni og upprifjunum. Engum nýjum gögnum er safnað og ekkert er sótt út fyrir þjónustuna. Stigin eru reiknuð við hverja birtingu og ekki geymd sem sérstök skrá um starfsmanninn.